《其實…妳究竟想點？》

http://hk.apple.nextmedia.com/template/apple/art_main.php?iss_id=20090720&sec_id=4104&subsec_id=11867&art_id=13007775

燒味飯店被客人指餸菜中有「毛」，不過大家都未知係乜野毛。經理話係頭髮，顧客就話係私人地方毛髮，經理提議唔收錢，再俾過碟無毛飯過妳，咁又話餐廳卸責，其實，妳究竟想點？

作為一間餐廳，道歉、唔收錢、賠飯，相信已經係佢地做得到的極限，而且亦係佢地可以做到的事情。個女人一路都唔話自己想點，我就會覺得佢想餐廳賠錢，唔係就話人地無「誠意」解決問題。其實就算食環告得入，都係罰幾千蚊了事，餐廳又怕妳啲乜？

一個貪心的女人？又未必。

其實很多時，女人都不知自己想要甚麼；去邊度食飯？買邊對鞋？買邊件衫？生仔好唔生仔好？嫁唔嫁好？做唔做呢份工好？
大部份女性都有選擇恐懼症，唔知要乜野，投訴後好多時都唔知點樣收科，即使人地賠乜賠物，賠個不是，都可以話一句：「我未滿意」，但係問佢點先滿意？就連佢地自己都未必知。

所以，同女孩子相處，不要太民主。做男人，有時要拿主意，呢啲就係所謂男人味嘞！

凡星 2009-07-20